Como toos sabréis, nesta fundación tenemos especial debilidá polos grupos vocales masculinos surcoreanos y poles navidaes. Equí teneis too nunu, Xing versioneando nun sé si a José Feliciano o a Boney M. Pa más información podéis visitar esta web, o esta, o esta otra, o tamién esta.
Entama’l prestosu tiempu de paz y amor ente los homes de toles civilizaciones.
L’Italo disco ye una etiqueta que nun siempre inclúi artistes italianos. Hai una conexón americana citada aquí nel post de Giorgio Moroder, y sobre too alemana. De fechu, comuunmente s’idetifiquen como reis del Italo Disco a grupos d’un país que dio al mundu a Boney-M.
Lo cierto ye que l’Italo disco, llueu eurodance, ye la verdadera banda sonora de la Unión Europea, la gran obra cultural común. Una amuesa ye Fancy, cantante alemán que nos ufre esti cantar d’inspiración española col inequívocu estilu del tecnopop de la época. Alcordaivos de Righeira, nome que vien de portuguesizar l’apellíu d’un de los cantantes, que son italianos y que se fixeron famosos nel continente cantando en castellanu.
Nel casu de Fancy, tamos falando d’un de los más respetaos artistes del xéneru, al que’entá podeis atopar n’espectáculos señardosos. La so web tien puntos impagables.
Esti d’embaxo sea, posiblemente, la so pieza más recordada nel conxuntu d’Europa, anque los sos fans tamién faen coros a ‘Flames of love‘.
