Asturian Weird Foundation

Estos dos paisanos son La Bionda, AKA ‘D.D. Sound’. Carmelo y Michelangelo La Bionda foron dos visionarios, dos flipaos que nalaben ente soníos electrónicos, la música de la Motown y el gustu pol esquiyama de los setenta hasta convertise en unos de los músicos más molones de la so época. Col tiempu, foron dando-y forma’l so estilu y abriendo puertes a otros italianos que se sumaben a la moda disco Italia. Acabaríen como productores nos ochenta, detrás de los más grandes ésitos del xéneru col dúu Righeira. Anguaño dizse que rexenten unos estudios de grabación en Milán. Equí tenéis un exemplu de la so música: el so grande succeso ‘One for you, one for me’.

Depués de pensar en delles opciones, quédome con dedicar lo que resta de mes al estudiu del Italo Disco, etiqueta musical gayolera y positiva non del too bien definía, pues pa dalgunos zárrase namás nes llendes italianes de la primera mitá de los ochenta, y pa otros abarca dende metanes los setenta hasta lo 90 en toa Europa. De fechu, la belga Kate Ryan y sus versiones del ‘Ella elle l’a’ y del ‘Voyage, voyage’ vien a amosar que’l Italo Disco, auténticu tueru del Euro dance, entá ta mui vivo (anque seya cola estroza d’esta maravía de France Gall o col orixinal de la I-NI-GUA-LA-BLE Desireless).

Sicasí, como cuido que pa cualisquier materia na que se vaya centrar ún, se tien que tener un conocimientu previu afayadizu, equí vos apurro unes mínimes indicaciones pa que vayáis preparandovos pa un marzu de lo más chulo.

Gracies a la inestimable aida del collaciu Pingarates atopamos perhí pervaloratible información sobre una de les sociedaes más bizarres del mundu católicu: l’Opus Dei, ensame de fariseos endogámicos, elitistes ya integristes de los que de xuru que podría tener otra opinión si los conociero.

Ello ye posible agora gracies a videos desplicativos que la mesma ‘obra’ esparde pela rede.

Da una migaya mieu cuando diz que la xente ye feliz y se descoyona. La probe.

El cado ye que lo que diz ye cierto. La xente ye feliz y diviértese mogollon. Que l’Opus mola mazo queda nidio con eventos como’l concursu añal de villancicos de la Universidá de Navarra, d’au saliera la mítica ‘Oveja Naranja‘ de las chicas del colexu mayo olavidea.

De la coyecha d’esti añu, Pingarates apúrrenos esto

FESTIVAL DE VILLANCICOS 2008

CAMPEONES: Club Universario Artaiz por ‘Cancion de María‘

Exemplu de felicidá: Colegio Mayor Belagua Torre 1 por ‘Algo especial‘

Llistáu con tolos participantes: calca equí.

La Asturian Weird Foundation aprovecha pa felicitar les fiestes a tola xente que nos sigue, y pa ello nada meyor que la gayola que mos trae La Cirigüeña, cola so versión del ‘We wish you a merry christmas’. Impagable, como tolo que faen (que ya dicen que nun ta pago… que ta apalabrao).

Por cierto, que La Cirigüeña estrenó web va non muncho, pero decata-yvos que va con too, con diéresis y ñ. Que por eso nun me furrula l’enllaz de la columna d’enllaces esbillaos.

Siguimos con temes culturales españoles. Agora un cantar de Kung Funk que fala de colores y golores. Que vos preste.

De xuru que sentistis más d’una vegada esa frikada d’emisoran ultracatolica nomada Radio María, que se cuela pel dial del autorradio como un virus. Pues bien, una de les mierdes proselitistes qu’apurren les ondes man¡rianes afáyense a la bizarra dramatización d’esta miembra de les Fellini (a lo chanclettes, como bien dicen nos comments nel youtube).

https://www.youtube.com/watch?v=cXWyBVRPK3Q

Al cabu, atopéla. Disfrutái, enantes de que la baneen otra vegada del youtube, del clásicu del rap gochono de miami ‘Mamolapenga’, de los 2LiveCrew.Dúu formáu por dos tipos mui feos, como lo preba la semeya de Fresh Kid Ice, a mandrecha.

Una ayalga de los 90 que-yos sirvió a estos raperinos pa dir perhí col alcuñu de ‘Banned in the USA’. De fechu, paez que lo quesí pudieron emitir peles televisiones foi la versión descafeinada, entitulada ‘Mamá Juanita’, qu’a min, personalmente, paezme igual d’ofensiva… si lo ye. Coses de los valores. Eso sí, l’entamu del Mama Juanita, nel que caltienen un alderique con Fidel Castro ye de restallu.

Déxovos una torna llibre de la lletra.

(más…)

Cuatro rapazos faen playback d’un cantar de lo que paez ser el Skama la rede, Skontra, Dixebra o Oi! n’ast de la China, nun sé si de la popular o de la otra. Entitúlase ‘El socialismu presta’, y cuando nel videu faen como que-y zumben a ún d’ellos ye porque’l cantar diz dalgo asina como ‘combatir al reaccionariu’.

La verdá ye qu’un instrumentu como’l ceremín paez fechu pal bizarrismu. Y Thomas Grillo ye la demostración. Tou un virtuosu d’esti instrumentu que se toca ensin tocalu. Grillo pon clases dende la so web de como tocalu, y fai espectáculos tan bizarros como’l que dexo darréu, o como esti, más patrióticu.

Don Vity nos apurre una recomendación: Amanita y los Faloides canten ‘144000’. Presten sobre too los dibuxos sacaos de L’Atalaya, que son la caña y que dacuendo habría que dedica-yos un post esclusivu. Encuantes a los cantantes, polo que ví perhí son un grupín aragones que ta teniendo cierta sonadía col so tema últimu: ‘Teruel no existe‘. Tolos sos cantares tiénenlos disponibles y descargables na so web. Gracies Vity.