Asturian Weird Foundation

Lléganos per corréu una colección de semeyes d’un tríu (dos paisanos y una paisana) xingando nun centru comercial de la comarca avilesina. Practiquen lo que se vien en nomar ‘dogging’, que tien que ver col morbu de tener rellaciones nun llugar públicu nel que, devezu, hai xente enforma.

Les semeyes, ventidós en total, amuesen l’aventura de los trés protagonistes nel conocíu centru comercial (na semeya d’enriba podéis ver cómo un paisanu xinta un platu ¿patates braves? demientres ún de los rapazos masuña-y la teta derecha a la rapaza). Toes tienen firma, una especie de ‘marca d’agua) del sitiu Dogging Spain, onde podéis atopar información a mamplén d’esta parafilia.

Si hai dalgún inxenieru perhí, igual podíen aplicar esi esquema pa la entrada d’Asturies na F-1, na Fuck One que vien de cellebrar el Gran Premiu de Xapón. Esti vehículu, de diseñu xaponés, tien el aquél de ser sostenible, pues funciona cola enerxía orgásmica, que ye renovable y, polo xeneral, dexa poco residuu y fácilmente biodegradable.

La competición, de la que supimos gracies al inestimable blogue d’Inner el Pendejo, ye tou un acontecimientu non sólo teunolóxicu, tamién deportivu. La cuestión ye que, pel momentu, paez que hai pocos homes con traces de participar nuna carrera na que se cuerre más, contra más se cuerre ún, y n’eso tienen munches más habilidaes les competidores de la Fuck-1, Grand Prix de Xapón. Maria Ozawa, la Fernando Alonso d’esta modalidá, vien d’amosar d’esta mena la so versatilidá deportiva.

Si vos peta, podéis baxaros el documental sobre la nacencia d’esta modalidá deportiva en llínia:

Parte 1…. Parte 2….. Parte 3…. y Parte 4.

Esti paisanucu a manzorga ye Ricardo de Spirito Balbuena, cabezaleru máximu del movimientu Nacional Cristianu de Perú, cuya formación principal ye Fredeconsa, acrónimu de Frente de Defensa del Consumidor contra el Agio y la Usura.

Esti home ye anticomunista porque diz qu’el comunismu ye un inventu xudíu pa esparder l’ateismu. Amás de a los xudíos, odia a los chilenos, a los qu’acusa d’acombayar colos primeros pa desendolcar el sistema d’usura bancaria que sangra a los probes trabayadores de la rexón sureña peruana de Tacna.

Pela otra banda, dizse guiáu pol mensaxe de Xesucristu y de Gandhi, almira a Mussolini y hai delles coses de Hitler que tamién-y presten, anque diz que nun ye nazi, y que la so estética y la enseña, a mediu camín ente la cruz gamada y el símbolu de los marcianos de ‘V’, ye namás que pa llamar l’atención de los medios.

Anduve a la gueta de más coses d’esti personaxe bizarro onde los haya, pero paez que tanto él como’l so movimientu desapaecieran de la rede en 2007, mesmu añu nel que elli pasara unos mesinos pela cárcele por nun se qué movida d’una protesta.

Quedéme coles ganes d’averiguar si esti Führer criollo, como lu nomen nel reportaxe que vos dexo darréu, tien orixe asturianu, como se podría deducir del so apellíu Balbuena (tengo entendío qu’el Balbuena con dos ‘bes’ ye asturianu). Esi llabor déxo-ylo a la prensa provincial.

De mientres les estrelles masculines facíen gala d’amaneramientu pa volver lloques a millones d’adolescentes en toa Europa, apaecía a finales de los ochenta un fenómenu que fizo vender millones de discos. Sabrina Salerno y el so tontorrón ‘Boys boys boys’ inspiraron millones de nueches solitaries en tol continente. Entamaba con ella el fenómenu de les ‘tit-stars’, nel que compitió cola británica Samantha Fox (que diba de seria) y cola polaca Danuta (que diba de lo que diba).

Pero el fenómenu más auténtico foi el de la estrábica Sabrina Salerno, qu’entá güei ta acabante de sacar un discu y entamar una nueva xira per media Europa, fecha ya una cuarentona reultona. Sicasí, equí vamos recordala ximelgando’l culín y les tetes nel cantar ‘My Chico’, nun ye ‘Boys, boys, boys‘, pero ye que’l videu ye impagable.

Como impagable ye esta semeya que anda percorriendo l’internet, na que Sabrina fala  de les sos preferencies futbolístiques.

Ya puestos a facer el pih.o, por que nun t vas tunear un piñu. Y si pa encima te queda asina de ‘so cute, so adorable’, meyor que meyor.

Namás en clíniques Kitty Dent.

Hai que ser mui chungu pa facete esto. Soi tu padre y, dela que llegues a casa, vas pa la cama col culu como un tomate. Cagonrós, gastar les perres d’esta manera…

¿Nun ye adorable? So cute.

Hai xente pa too.

Les real doll, love dolls, o orient dolls, siempre me dieron mal rollu. Agora, depués de ver esti documental… danme mieu. Esta ye peña que nun ye que yos dea por foder con un cachu silicona con forma d’actriz porno… ye que faen vida familiar con elli. Pura perceguera ver cómo-y quiten la llingua o cambien-y la cara a la muñeca cada mañana pa que dexe de durmir.

Y la verdá que paez que l’inventu esti va vientu en popa. Cuenten que’l tema de les muñeques hiperrealistes de silicona inventáronlu los de Real Doll a mediaos de los noventa, pero agora hai bien d’empreses, mayormente asiátiques, que-yos faen bona competencia: Orient Doll, Doll Story, o les bizarrisimes Cyborgasmatrix y Andydroids. Esta última, ufre tamién muñecos masculinos, como la orixinal Real Doll, que tamién tien presentao va poco una gama especial, les ‘Boy Toy dolls’, que s’inspiren en personaxes manga, pa que protagonices les tos escenes hentai na intimidá del to cuartu.

Gracies a la inestimable aida del collaciu Pingarates atopamos perhí pervaloratible información sobre una de les sociedaes más bizarres del mundu católicu: l’Opus Dei, ensame de fariseos endogámicos, elitistes ya integristes de los que de xuru que podría tener otra opinión si los conociero.

Ello ye posible agora gracies a videos desplicativos que la mesma ‘obra’ esparde pela rede.

Da una migaya mieu cuando diz que la xente ye feliz y se descoyona. La probe.

El cado ye que lo que diz ye cierto. La xente ye feliz y diviértese mogollon. Que l’Opus mola mazo queda nidio con eventos como’l concursu añal de villancicos de la Universidá de Navarra, d’au saliera la mítica ‘Oveja Naranja‘ de las chicas del colexu mayo olavidea.

De la coyecha d’esti añu, Pingarates apúrrenos esto

FESTIVAL DE VILLANCICOS 2008

CAMPEONES: Club Universario Artaiz por ‘Cancion de María‘

Exemplu de felicidá: Colegio Mayor Belagua Torre 1 por ‘Algo especial‘

Llistáu con tolos participantes: calca equí.

Préstame comer y prestenme dellos restoranes. Vos dexo una esbilla de comides y restoranes, un ‘must-see’ o como se diga de la gastronomía internacional. Que vos preste!!

Vilma Caez ye fea pa perru, pero fai body building. Si te presten les pintes que gasta na semeya d’enriba, entós igual te ponen les pelicules de Awefilms, una productora especializada en facer pelicules erótiques (a lo que se ve nun llega nin a pornosoft) protagonizaes por muyeres poderoses, fuertes y enllenes de testosterona que machaquen-yos los güevos o afuégenlos coles pates a prubitinos que se-yos ponen delantre. Puru documental de La2.

Equí vos dexo’l trailer de la so producción ‘Mondo Mucle’. hmmm…