Archivu de la categoría ‘Viral políticu’

Nazis peruanos contra xudíos y chilenos

27 d'Agostu de 2009 por Asturian Weird Foundation

nazicrioloEsti paisanucu a manzorga ye Ricardo de Spirito Balbuena, cabezaleru máximu del movimientu Nacional Cristianu de Perú, cuya formación principal ye Fredeconsa, acrónimu de Frente de Defensa del Consumidor contra el Agio y la Usura.

Esti home ye anticomunista porque diz qu’el comunismu ye un inventu xudíu pa esparder l’ateismu. Amás de a los xudíos, odia a los chilenos, a los qu’acusa d’acombayar colos primeros pa desendolcar el sistema d’usura bancaria que sangra a los probes trabayadores de la rexón sureña peruana de Tacna.

Pela otra banda, dizse guiáu pol mensaxe de Xesucristu y de Gandhi, almira a Mussolini y hai delles coses de Hitler que tamién-y presten, anque diz que nun ye nazi, y que la so estética y la enseña, a mediu camín ente la cruz gamada y el símbolu de los marcianos de ‘V’, ye namás que pa llamar l’atención de los medios.

Anduve a la gueta de más coses d’esti personaxe bizarro onde los haya, pero paez que tanto él como’l so movimientu desapaecieran de la rede en 2007, mesmu añu nel que elli pasara unos mesinos pela cárcele por nun se qué movida d’una protesta.

Quedéme coles ganes d’averiguar si esti Führer criollo, como lu nomen nel reportaxe que vos dexo darréu, tien orixe asturianu, como se podría deducir del so apellíu Balbuena (tengo entendío qu’el Balbuena con dos ‘bes’ ye asturianu). Esi llabor déxo-ylo a la prensa provincial.

Ver el vídeu en Youtube

Videu mui gochu

20 d'Avientu de 2008 por Asturian Weird Foundation

El videu más gochu del mundu ye esti. Peor imposible. Intentamos garrar un gif animáu, modificalu, pasalu a videu y llueu a flash videu…. y quedó esta gochada que nun la merez nin el puntu esti. En fin, ye lo que hai, y esti blogue ta pa lo que ta.

Ver el vídeu en Youtube

Creatividá españolista

5 d'Avientu de 2008 por Asturian Weird Foundation

Ver el vídeu en Youtube

Tien un ‘no se qué’ esti videu fechu por unos alumnos de comunicacion audiovisual de nun se qué universidá. Un cantu a la unidá de la patria tienru como un cachu pan bimbo moyáu en lleche con miel. Ye chungu chungu, pero tien gracia.

Adoro a La Pequeña…

18 de Payares de 2008 por Asturian Weird Foundation

Felipe Avello ye un castrón chilenu que fai humor bizarro, ganso, burru, agudu… Llinguateru extremu, cuenten que lu echaron de la canal de TV na que trabayaba por pasase coles estrelles que lu acompañaben, y munchos ven n’él al Andy Kaufman del Cono Sur, con que dacuando nun sabes si ye verdá o coña lo que fai énte lo extremu de les situaciones que plantea.  De fechu, los mecanismos de la comedia de Avello aseméyense enforma a los de Kaufman, trabayando con actores bizarros amateur capaces de denunciar que foron agredíos nel concursu de Mister Mundu… o recurriendo a la provocación pura.

Una de les sos acciones últimes son los videos virales con La Pequeña, un actor coyonudu pa esto del humor que comparte cutrez con Machine, ún de los personaxes interpretaos pol propio Avello. Nun vos perdais nel youtube La Pequeña Teresa de Calcuta, La Pequeña Ingrid Betancourt o La Pequeña Hillary Hulk. Equí vos dexo col videu más visto de La Pequeña, parodia de la diva tecnopop española ‘La Prohibida’.

Ver el vídeu en Youtube

Socialismu y webcam

14 de Marzu de 2008 por Asturian Weird Foundation

Cuatro rapazos faen playback d’un cantar de lo que paez ser el Skama la rede, Skontra, Dixebra o Oi! n’ast de la China, nun sé si de la popular o de la otra. Entitúlase ‘El socialismu presta’, y cuando nel videu faen como que-y zumben a ún d’ellos ye porque’l cantar diz dalgo asina como ‘combatir al reaccionariu’.

Ver el vídeu en Youtube

Política retarded

29 de Febreru de 2008 por Asturian Weird Foundation

robertoelcojo.JPGYa que tamos de campaña, dexémonos llevar por esta fola democrática que mos invade sintiendo una opción descoyonante. España 2000, pal que nun lo sepa, ye un partíu de Valencia patriota-bacaladero, cuyo presidente (esti a manzorga) ye amás cabezaleru d’una patronal de puticlús o dalgo asina. Pues bien, diendo perhí atopé esti videu impagable… un mitin ensin censura de la plana mayor d’esti partíu  en la  bizarra ciudá de Benidorm. Dende’l primer momentu ye flipante’l nivel d’esta peña… “E’paña”, diz una presentadora con pinta d’haber construyío’l so pensamientu ideolóxicu nuna sala de videoxuegos. Lluéu vienen un par de tipos rapaos, que casi nun acierten a lleer el foliu que tienen delantre, y echa’l pieslle, cómo non, el lider máximu esti, que  ye too un célebre. Yá quixera Gabino dicir coses como: “hay palabras que significan distinto segun la persona, no es lo mismo la palabra rosa para un jardinero que para un marica” (rises y aplausos de los presentes).

Y qué dicir de la escenografia… impagable. Val mas que lu veais.

Perdióse'l enllaz

Si nun lu ves, calca equí.

Y nes presidenciales USA?

12 de Febreru de 2008 por Asturian Weird Foundation

L’Asturian Weird Foundation, al traviés d’esti post, posiciónase na campaña electoral de les presidenciales USA. Nin Hilaria, nin Obama, nin esi paisa con apellíu de patates conxelaes pretostaes. Dende equí, encamentamos a tolos estaunidenses a votar por Al Goldstein, el güelu más gochu del mundu. Que’l so logu de campaña seya tan cutre y asemeyáu al d’esta fundación nun ye’l motivu, sinon qu’analizamos con precuru el so ideariu programáticu: ‘pro-tetes’, ‘pro-clitoris’, ‘pro-porros’, ‘pro-libros’ y ‘pro-pensamientu’ pa una América meyor. Ente les promeses: esaniciar la ‘O’ de COUNTRY (xuegu de palabres intraducible) y l’afitamientu d’un sistema públicu d’atención social: AL-Care, con servicios como cunilingus subvencionáu pa toles muyeres. Visitái la so páxina de campaña: Goldstein’08

Al Goldstein… el visionariu fundador de la revista porno-contracultural ‘Screw’ (anguañu una valoratible guía de putes neoyorquines’), promotor de la productora Milky Way (de xuru que vos suena, gochones), casáu cincu veces… ye l’únicu que defende el matrimoniu gay (“Si a un home-y gusta llamber polles y quier casase pa ello, tien el derechu a facelu… magar que yo nun-y lo aconseyu, porque yo que tuve casáu cinco vegaes sé que namás val pa sufrimientu, dolor y perda de perres”, bien a dicir nesti videu de campaña). Acordaivos… si tenéis collacios nos USA, que fagan campaña por Al Goldstein… el güelín más gochu del mundu.

Ver el vídeu en Youtube

pal que nun lo vea, que calque equí.

Henry fai campaña

12 de Febreru de 2008 por Asturian Weird Foundation

Henry driver

La estrena más esperada de la política asturiana… nun ye Gabino faciendo de Curro Ximenez, ye el gran Henry Felgueroso en… ‘Henry Driver’, producción nueva de Jim Box en toles pantalles esti xueves. Na peli, el gran Henry conduz el so taxi con Laura ‘Güelita’ González a bordo. Dicen que nun ye un remake de ‘Paseando a Miss Daisy’… veremos si los plifamos y nun ye una sosada como’l tebeín esi del ‘Gaspi’.


Altuxa.net

Avisu: Esti sitiu contién material p'adultos y que puede ser ofensivu pa determinaes persones.
Si yes menor d'edá NUN puedes visitar esti sitiu.

Soi mayor d'edá y acepto Colar