Asturian Weird Foundation

Esti nuevu episodiu ye, de fechu, un clásicu nes entrevistes de Treceño: esti home aveza a entruga-yos a los sos invitaos sobre les sos esmoliciones ufolóxiques y estraterrestres. Areces paez que lo tien claro: too apunta a que hai vida n’otres galaxes.

N’esti tercer episodiu, Treceñpon n’evidencia una estratexa típica d’Areces: Treceño entruga-y polos escáneres que se-yos tien fecho a los yoguis, y el presidente respuende que la xente confunde la llibertá d’información col llibertinaxe, que too eso de les redes sociales nun val más que pa confundir a la xente, a la qu’habría d’educar pa qu’entendiera les coses como son. ¿Falará de l’Asturian Weird Foundation? ¿Pasaranos una esbilla d’enllaces que sí son de fiar?

N’esti segundu capítulu, Treceño-y entruga a Areces poles fiestes navidiegues (la entrevista emitióse esti día de Nuechebona), y consigue una primer esclusiva: el presidente del Principáu ye más de sidra achampanao, anque dacuando tamién-y presta dar un sorbiatu al cava. Turrón, poco, y si bien les navidaes tienen matices estremaos n’América y Europa (diz el presidente), lo cierto ye que El Corte Inglés tien munchu aquél n’estes feches. El que nun lo entienda, que lu vea.

Esti home a mandrecha ye Treceño. Ye abogáu, escribe dacuando en La Nueva España y fai entrevistes mui personales en Teleavilés. Ye poseedor d’un estilu mui particular, gusta-y trufar les sos entrevistes de cites erudites, con cierta querencia pol orientalismu y la ufoloxía.

Dende güei vamos dir esfoyando la so entrevista última al presidente del Principáu, Vicente Álvarez Areces, emitía pel canal avilesín na Nuechebona última. Poco enantes de qu’el rei pronunciara’l so discursu, los avilesinos podíen ver esto, que según el cartelín del principiu, y que nun llegamos a grabar, cuenta con una subvención del Principáu.

Los que vos lo perdístis, vais poder ver equí los meyores momentos. Sólo Treceño diba ser capaz de facer dicir a Areces lo que vais ver esti mes.

Va tiempu falamos de Brian Peppers, un home convertíu en celebridá freak por mor d’una mala nueche. Güei vamos falar d’una menor, d’una nena a la que los sos pas ponen n’amuesa nel Youtube y nel web… entá nun sé mui bien pa qué… si ye pa sacar perres pa operaciones ¿paga la pena facelo d’esa manera?

La de Juliana paez una típica familia conservadora americana. Paez ser que los médicos encamentáron-yos l’albuertu… pero apostaron por da-y una vida a la guaḥa. La que ta teniendo.

Cuenten per ehí, y na so web oficial, que Juliana nació con una enfermedá xenética qu’impide la correuta formación del cráneu. Ello fai que nun puea masticar nin respirar, coses que fai al traviés de sondes y traqueotomíes.

Equí tenéis un videu del reportaxe que-y ficieron na canal de documentales TLC d’Estaos Uníos.

Sicasí, la so familia nun se contenta con da-y el mayor confort posible, si non que quieren sentise entá meyor y ponen a la neña n’amuesa nun sé pa qué ¿pa que-yos digan lo valientes que son y too eso?. Lluéu s’enfaden y zarren el llibru visites de la web de la so fía porque-yos dicen burraes… que si teníen qu’haber albortao, que si tal o que si aquello, o darréu faen burlles de toa triba.

En fin, que pa freaks, los pas de la guaḥina. ¿Pensaben que colgando el so casu nel youtube (colo que lo fácil ye qu’apaeza ente fenómenos, non ente casos médicos) y faciendo una web diben da-y dignidá?

Les moces tintín son gayoleres, divertides, pucelanes y pijes, mui pijes. El casu ye que fixéronse famoses gracies a un reportaxe d’esos cutres d’una cutretele local pucelana. Equí lleguen encamentaes por Pingarates. Impagable momentu youtube.

Felipe Avello ye un castrón chilenu que fai humor bizarro, ganso, burru, agudu… Llinguateru extremu, cuenten que lu echaron de la canal de TV na que trabayaba por pasase coles estrelles que lu acompañaben, y munchos ven n’él al Andy Kaufman del Cono Sur, con que dacuando nun sabes si ye verdá o coña lo que fai énte lo extremu de les situaciones que plantea.  De fechu, los mecanismos de la comedia de Avello aseméyense enforma a los de Kaufman, trabayando con actores bizarros amateur capaces de denunciar que foron agredíos nel concursu de Mister Mundu… o recurriendo a la provocación pura.

Una de les sos acciones últimes son los videos virales con La Pequeña, un actor coyonudu pa esto del humor que comparte cutrez con Machine, ún de los personaxes interpretaos pol propio Avello. Nun vos perdais nel youtube La Pequeña Teresa de Calcuta, La Pequeña Ingrid Betancourt o La Pequeña Hillary Hulk. Equí vos dexo col videu más visto de La Pequeña, parodia de la diva tecnopop española ‘La Prohibida’.

Domo Kun, da la cara dende Xapón por xentileza de Pingarates.

Esti home ye José Luis Sin Censura estrella d’un de los programes estrella de la canal KZJL 61 de Houston, Texas. Ye dalgo asina como’l Diariu de Patricia pero a lo bestia. La xente que va entama diciéndose coses como ‘pinche marihuano’, ‘pinche joto’, ‘puta’ o ‘elefanta’ y acaben nuna escorribanda de les bones. Pero amás ye que, pa caltener l’audiencia, esti José Luis organiza concursos de camisetes moyaes o de Miss Bikini. Mui fino y de bon gustu, como tien que ser.

https://www.youtube.com/watch?v=Qt8ajGOWQ-4

Xuxa nunca nun foi valorada n’España cola xusticia que merez. La so apaición a entamos de los noventa foi dalgo incomparable d’una trescendencia que marcó pa siempres la televisión infantil. Hai tres fenómenos fundamentales qu’espliquen munches coses, y son la saga Aragón, Torrebruno y Xuxa.

D’esta última, a la que vemos equí col que fuera’l so noviu Pelé énte les torres ximielgues (nun pue haber semeya más bizarra), rescampla la so lleenda prieta. Faise llamar anguaño la reina de los ruinucos… y nun dexa de tener coña esi enfotu na infancia. D’ella díxeren va tiempu qu’hubiere entamao la so carrera con una peliculina gochona, qu’había porno protagonizáu por Xuxa corriendo pel mercáu clandestín brasileiro. Pero non, lo cierto ye que nun yera porno. Yera puro bizarrismu nel que una entá bien moza Xuxa (con 18 ó 19 años) ponía les tetes n’amuesa pa seducir a un rapacín (de 12 ó 13 años, según les fontes).

La lleenda diz tamién que, col tiempu, Xuxa trató y llogró de retirar del mercáu les copies en VHS de ‘Amor, estranho amor’. Sicasí, con esi enfotu nun consiguió más que convertir la película en puro fetiche a subastar en Ebay, lo que-y llevó a otra batalla, esta vuelta xudicial, pa que prohibieran tamién la so venta n’internet. Y un xuez brasileñu-y dio tamién la razón.

D’esta manera, namái queda yá esfrutar gratis de la polémica escena, que daquién tien colgao, pel momentu, nel Youtube… y que l’Asturian Weird Foundation tien el presto d’enllazar.

https://www.youtube.com/watch?v=Sddr-tx2uw4