Asturian Weird Foundation

A qué esperáis el restu? Ya tais calcando equí o mandando un corréu.

Gracies a la inestimable aida del collaciu Pingarates atopamos perhí pervaloratible información sobre una de les sociedaes más bizarres del mundu católicu: l’Opus Dei, ensame de fariseos endogámicos, elitistes ya integristes de los que de xuru que podría tener otra opinión si los conociero.

Ello ye posible agora gracies a videos desplicativos que la mesma ‘obra’ esparde pela rede.

http://www.youtube.com/watch?v=dUKbTqp8cqg

Da una migaya mieu cuando diz que la xente ye feliz y se descoyona. La probe.

El cado ye que lo que diz ye cierto. La xente ye feliz y diviértese mogollon. Que l’Opus mola mazo queda nidio con eventos como’l concursu añal de villancicos de la Universidá de Navarra, d’au saliera la mítica ‘Oveja Naranja‘ de las chicas del colexu mayo olavidea.

De la coyecha d’esti añu, Pingarates apúrrenos esto

FESTIVAL DE VILLANCICOS 2008

CAMPEONES: Club Universario Artaiz por ‘Cancion de María‘

Exemplu de felicidá: Colegio Mayor Belagua Torre 1 por ‘Algo especial‘

Llistáu con tolos participantes: calca equí.

El videu más gochu del mundu ye esti. Peor imposible. Intentamos garrar un gif animáu, modificalu, pasalu a videu y llueu a flash videu…. y quedó esta gochada que nun la merez nin el puntu esti. En fin, ye lo que hai, y esti blogue ta pa lo que ta.

http://www.youtube.com/watch?v=PLgK8H53JnY

Aconceyáu nuna caseta d’obra de l’ampliación del Musel, el xuráu del premiu Asturian Weird de la Concordia 2008 aprebó por unanimidá concede-ylu a la artista norteamericana Britney Spears, quien, cola so belleza simpar y la so humanidá reconocible, espardió un sentimientu de simpatía pero tol mundu, ensin distingu ente races, clases sociales y cultures. La felicidá fecha persona humana, we love you Britney, y agora que te dieron premios los de la MTV, más entá.

Aconceyáu na cola l’Alimerka, el xuráu del premiu Asturian Weird de los Deportes acordó güei concede-y el galardón al deportista inglés John Evans, pola so capacidad de superación, amosada durante la so ya bayurosa carrera.

Dende los sos entamos, Evans vino superando ún tres otro toos y caún de los récords que se-y poníen por delantre, convirtiéndo-y nel más grande deportista del mundu de la so especialidá. Too ello, acompañólo Evans d’un apreciatible llabor solidariu, cola so participación en bien dellos eventos en favor de persones y colectivos necesitaos.

Dende los sos entamos, Evans vien dexando ablucáu al mundu pola so capacida pa caltener n’equilibriu grandes pesos na cabeza. Ello, xunío al so sentíu del espectáculu, fizo-y famoso pola espectacularidá de les sos proeces. Asina, ye l’home que caltuvo apoyáu na cabeza un Mini, una barca, o dos ciclistes, amás de hasta 240 pintes de cerveza.

Amás, tamién foi capaz de sostener a un malabarista durante más de dos minutos, y ye toa una celebridá nel so país con numberoses apaiciones na televisión en dellos países d’Europa, América y Asia.

Aconceyáu na sala de xuntes de la facultá de filoloxía de la Unversidá d’Uviéu, el xuráu del premiu Asturian Weird de les Lletres 2008 alcuerda por unanimidá concede-ylu al divulgador don César Vidal, pol so gran llabor en restolar lletres, hasta’l puntu de poder firmar 55 llibros dende 2005 (ún cada venti díes).

Magar de les crítiques pola duldosa veracidá y rigor de los sos escritos, con esti premiu se quier reconocer su capacidá p’apaecer en toles estayes de la Fnac, a escepción de les gastronómiques (al tiempu) y l’estante dedicáu a ediciones asturianes.

Gracies al so llabor, tantu dirixendo un programa diariu d’humor na cadena Cope, otru de música country na cadena 100 y un espaciu na tele de Federico Jiménez Losantos (Libertad Digital), una bultable audiencia se sienta, increyiblemente, culta ya informada.

Énte la imposibilidá de saber quién ye l’auténticu Cesar Vidal, ponemos les dos semeyes.

Aconceyáu nos baños del Alsa, el xuráu del Premiu Asturian Weird de Ciencies Sociales 2008 aprebó güei concede-y el galardo al Museum os Menstruation and Women’s Health, en llínia dende va 14 años, pol so llabor nel espardimientu de too tipu d’información alrodiu d’una cuestión que marca la vida de media humanidá.

(Nota seria: Magar qu’esti premiu ye de coña, lo cierto ye qu’esti sitiu sí que merecería reconocimientu. Contién munchísima información sobre dalgo tan importante como la regla. Dende publicidá de va décades, a datos sobre salú y constumes perinteresantes. Ye un sitiu bien recomendable).

Aconceyáu nel párking del parque principáu, el xuráu del Premiu Asturian Weird d’Humanidaes 2008 decidió por unanimidá concede-y el galardón a ‘Goatse.cx‘ po la so impagable y pionera contribución a enantar les perspectives d’Internet como vía de conocimientu del bizarrismu popular.

La so apaición a finales de la década de 1990 abrió perspectives nueves de lo que ye una nueva cultura de mases y globalizada, apurriendo un mensaxe edonista al mundu que tresciende llingües y cultures pa sentar les bases del conteníu viral d’anguañu.

Aconceyáu nun kebab, el xuráu del premiu Asturian Weird de Ciencia y Teunoloxía 2008, acuerda concede-y el galardón al doctor Jorn Ege Siana.

Con esta distinción, el xuráu de la Asturian Weird Foundation quier reconocer el descomanáu llabor del doctor Ege Siana nel desendolcu d’una técnica afayadiza p’apurrir un tamañu correutu del miembru viril de homes de toles races y cultures. El doctor Ege Siana (aka doctor Pene) punxo tola so esperiencia y conocimientu p’apurrir una solución a un problema social de primer índole, facilitando col so JES Extender, asoleyáu en 1996, una ferramienta fácil d’usar que fai innecesario el trauma de la intervención quirúrxica a los miles d’homes de tol mundu que nagüen por masuñase el pene ensin sentir vergoña.

El JES extender ye anguañu un sistema popular, imitáu en tol mundu,  pero que fai felices a miles de pacientes que cada día enanten un poco más la so pirulina gracies a los fierros estratéxicamente ocultos embaxu’l calzonciellu.

Aconceyáu nun cámping, el xuráu del premiu Asturian Weird de Cooperción 2008 da anuncia de la so decisión de conceder el galardón, a títulu póstumu, al padre Marcial Maciel, sacerdote y supuesto pedófilu, pol so inconmensurable llabor na creación d’una elite pija y fundamentalista católica a la que s’asocien gobernantes, grandes empresarios y conspiradores de medio mundu al traviés de la simpar organización Lexonarios de Cristu.

Na semeya, el padre Maciel arrodiáu de rapazonos.