Asturian Weird Foundation

Aconceyáu na sala de xuntes de la facultá de filoloxía de la Unversidá d’Uviéu, el xuráu del premiu Asturian Weird de les Lletres 2008 alcuerda por unanimidá concede-ylu al divulgador don César Vidal, pol so gran llabor en restolar lletres, hasta’l puntu de poder firmar 55 llibros dende 2005 (ún cada venti díes).

Magar de les crítiques pola duldosa veracidá y rigor de los sos escritos, con esti premiu se quier reconocer su capacidá p’apaecer en toles estayes de la Fnac, a escepción de les gastronómiques (al tiempu) y l’estante dedicáu a ediciones asturianes.

Gracies al so llabor, tantu dirixendo un programa diariu d’humor na cadena Cope, otru de música country na cadena 100 y un espaciu na tele de Federico Jiménez Losantos (Libertad Digital), una bultable audiencia se sienta, increyiblemente, culta ya informada.

Énte la imposibilidá de saber quién ye l’auténticu Cesar Vidal, ponemos les dos semeyes.

Esti artículu espublizose 'l 26 de Xunu de 2008 a les 01:02 y ta guardáu en Galardones.
Puedes tar al corriente de los comentarios d'esti artículu gracies al feed RSS 2.0. Los comentarios y los trackbacks tan zarraos.