Asturian Weird Foundation

La estaya d’investigación de l’Asturian Weird Foundation entama equí una serie sobre les parafilies, esi fenómenu pel que algamamos altos niveles d’escitación sexual observando situaciones bizarres.

El crush fetish ye un subxéneru del fetichismu del pie consistente en cómo una moza estrapalla colos sos pinreles animales pequeños. Hai derivaciones soft, con frutes y otros obxetos, pero l’auténticu crush fetish ye con bichos. Dende mosques a gatinos pasando por mures o culiebres.

Esta implicación de la muerte d’animales pa satisfacción personal fizo yá que Mickey Rooney tomara cartes nel asuntu pidiendo l’abolición d’esti xéneru viciosu, especialmente lo que cinca a les pelis crush o ‘snuff movies con animales’. Al tiempu, hai sectores de fetichistes del estrapalla bichos que s’amuesen contrarios a la tortura d’animales y prefieren usar insectos o lates de cerveza.

Otra derivación ye la qu’aplica técniques crush con persones (dominatriz y esclavu, polo xeneral), de nome ‘trampling’. Como en too, Internet vien siendo’l mediu ideal pa poner en contautu a tolos aficionados del estrapalle eróticu, que paguen el so dineru pola descarga de videos de moces en pantis pisando coses. A una china se-y fue de la mano la cosa, y pilláronla faciendo de les suyes con un gatín, lo que-y costó lo suyo.

https://www.youtube.com/watch?v=_i7GcRKYODA

Si nun lo ves, calca equí.

Don Vity nos apurre una recomendación: Amanita y los Faloides canten ‘144000’. Presten sobre too los dibuxos sacaos de L’Atalaya, que son la caña y que dacuendo habría que dedica-yos un post esclusivu. Encuantes a los cantantes, polo que ví perhí son un grupín aragones que ta teniendo cierta sonadía col so tema últimu: ‘Teruel no existe‘. Tolos sos cantares tiénenlos disponibles y descargables na so web. Gracies Vity.

Pal que nun lo vea, calca equí.

L’Asturian Weird Foundation, al traviés d’esti post, posiciónase na campaña electoral de les presidenciales USA. Nin Hilaria, nin Obama, nin esi paisa con apellíu de patates conxelaes pretostaes. Dende equí, encamentamos a tolos estaunidenses a votar por Al Goldstein, el güelu más gochu del mundu. Que’l so logu de campaña seya tan cutre y asemeyáu al d’esta fundación nun ye’l motivu, sinon qu’analizamos con precuru el so ideariu programáticu: ‘pro-tetes’, ‘pro-clitoris’, ‘pro-porros’, ‘pro-libros’ y ‘pro-pensamientu’ pa una América meyor. Ente les promeses: esaniciar la ‘O’ de COUNTRY (xuegu de palabres intraducible) y l’afitamientu d’un sistema públicu d’atención social: AL-Care, con servicios como cunilingus subvencionáu pa toles muyeres. Visitái la so páxina de campaña: Goldstein’08

Al Goldstein… el visionariu fundador de la revista porno-contracultural ‘Screw’ (anguañu una valoratible guía de putes neoyorquines’), promotor de la productora Milky Way (de xuru que vos suena, gochones), casáu cincu veces… ye l’únicu que defende el matrimoniu gay (“Si a un home-y gusta llamber polles y quier casase pa ello, tien el derechu a facelu… magar que yo nun-y lo aconseyu, porque yo que tuve casáu cinco vegaes sé que namás val pa sufrimientu, dolor y perda de perres”, bien a dicir nesti videu de campaña). Acordaivos… si tenéis collacios nos USA, que fagan campaña por Al Goldstein… el güelín más gochu del mundu.

pal que nun lo vea, que calque equí.

La estrena más esperada de la política asturiana… nun ye Gabino faciendo de Curro Ximenez, ye el gran Henry Felgueroso en… ‘Henry Driver’, producción nueva de Jim Box en toles pantalles esti xueves. Na peli, el gran Henry conduz el so taxi con Laura ‘Güelita’ González a bordo. Dicen que nun ye un remake de ‘Paseando a Miss Daisy’… veremos si los plifamos y nun ye una sosada como’l tebeín esi del ‘Gaspi’.

Xuxa nunca nun foi valorada n’España cola xusticia que merez. La so apaición a entamos de los noventa foi dalgo incomparable d’una trescendencia que marcó pa siempres la televisión infantil. Hai tres fenómenos fundamentales qu’espliquen munches coses, y son la saga Aragón, Torrebruno y Xuxa.

D’esta última, a la que vemos equí col que fuera’l so noviu Pelé énte les torres ximielgues (nun pue haber semeya más bizarra), rescampla la so lleenda prieta. Faise llamar anguaño la reina de los ruinucos… y nun dexa de tener coña esi enfotu na infancia. D’ella díxeren va tiempu qu’hubiere entamao la so carrera con una peliculina gochona, qu’había porno protagonizáu por Xuxa corriendo pel mercáu clandestín brasileiro. Pero non, lo cierto ye que nun yera porno. Yera puro bizarrismu nel que una entá bien moza Xuxa (con 18 ó 19 años) ponía les tetes n’amuesa pa seducir a un rapacín (de 12 ó 13 años, según les fontes).

La lleenda diz tamién que, col tiempu, Xuxa trató y llogró de retirar del mercáu les copies en VHS de ‘Amor, estranho amor’. Sicasí, con esi enfotu nun consiguió más que convertir la película en puro fetiche a subastar en Ebay, lo que-y llevó a otra batalla, esta vuelta xudicial, pa que prohibieran tamién la so venta n’internet. Y un xuez brasileñu-y dio tamién la razón.

D’esta manera, namái queda yá esfrutar gratis de la polémica escena, que daquién tien colgao, pel momentu, nel Youtube… y que l’Asturian Weird Foundation tien el presto d’enllazar.

https://www.youtube.com/watch?v=Sddr-tx2uw4

Ye una auténtica xoya de la canción italiana… y lo sabe… El so ‘Ricominciamo’ foi un esitu bultable en Chile y n’Arxentina allá pela dómina de la guerra de les Malvines… y el so estilismu ye… una preciosidá. Quedaivos col so nome: Adriano Pappalardo. Va poco pudísteislu atopar na Islla de los Famosos italiana… como Joselito…

¿La so música?  de lo bonu lo meyor. Equí un exemplu

https://www.youtube.com/watch?v=RBfV-83QoVo

La Asturian Weird Foundation entama la so actividá col envís de puxar pola cultura, l’estilu de vida y la sociedá bizarra. El milenarismu ta acabante de llegar, y failo en forma de videu viral.

Nos díes qu’entren vamos dir avanzando una esbilla d’aquelles coses que mos presten y que tan configurando un nuevu mundu. Col tiempu, la Foundation tien pensao conceder premios d’oro virtuales p’aquelles persones físiques o xurídiques que fagan daqué pol mundu bizarro. Y más cosas que se mos ocurran.

Entamamos colo llocal pa dir a lo universal. El friquismu autóctonu, pa dir pel mundu. Too tien cabida nesti nuevu blogue. Queremos compartir placer y rises.

Asina, p’abrir boca, vos dexo colos Sanjuaninos d’Aviles, nuna Selmana Santa very very beat. Mola a wevo esti clásicu del viral asturianu.

Pero pa weird weird, los comentarios de la peña que nun se decata de que ye un montaxe musical sobre un videu d’una cofradía. Equí va ún indignáu:

“una duda muy grande! estoy se hace de verdad, ese pitorreo se hace?? donde?? porfavor decirme donde xk eso es una falta de educación hacia todos los cofrades y hacia Jesucristo tremenda!!
amos no me jodas que dejeneraos!! viva la semana santa de SEVILLA y la de CAMPO DE CRIPTANA!!! “