Asturian Weird Foundation

http://www.youtube.com/watch?v=CwK0o_B3RjY

Siguimos con temes culturales españoles. Agora un cantar de Kung Funk que fala de colores y golores. Que vos preste.

http://www.youtube.com/watch?v=X05rYIuuQRc

Tien un ‘no se qué’ esti videu fechu por unos alumnos de comunicacion audiovisual de nun se qué universidá. Un cantu a la unidá de la patria tienru como un cachu pan bimbo moyáu en lleche con miel. Ye chungu chungu, pero tien gracia.

De xuru que sentistis más d’una vegada esa frikada d’emisoran ultracatolica nomada Radio María, que se cuela pel dial del autorradio como un virus. Pues bien, una de les mierdes proselitistes qu’apurren les ondes man¡rianes afáyense a la bizarra dramatización d’esta miembra de les Fellini (a lo chanclettes, como bien dicen nos comments nel youtube).

Felipe Avello ye un castrón chilenu que fai humor bizarro, ganso, burru, agudu… Llinguateru extremu, cuenten que lu echaron de la canal de TV na que trabayaba por pasase coles estrelles que lu acompañaben, y munchos ven n’él al Andy Kaufman del Cono Sur, con que dacuando nun sabes si ye verdá o coña lo que fai énte lo extremu de les situaciones que plantea.  De fechu, los mecanismos de la comedia de Avello aseméyense enforma a los de Kaufman, trabayando con actores bizarros amateur capaces de denunciar que foron agredíos nel concursu de Mister Mundu… o recurriendo a la provocación pura.

Una de les sos acciones últimes son los videos virales con La Pequeña, un actor coyonudu pa esto del humor que comparte cutrez con Machine, ún de los personaxes interpretaos pol propio Avello. Nun vos perdais nel youtube La Pequeña Teresa de Calcuta, La Pequeña Ingrid Betancourt o La Pequeña Hillary Hulk. Equí vos dexo col videu más visto de La Pequeña, parodia de la diva tecnopop española ‘La Prohibida’.

http://www.youtube.com/watch?v=k0fvQQtkqoA

Préstame comer y prestenme dellos restoranes. Vos dexo una esbilla de comides y restoranes, un ‘must-see’ o como se diga de la gastronomía internacional. Que vos preste!!

Ye dalgo que nun soi quien a entender: ye que paez qu’esbillaron lo más bizarro de la redacción pa llantá-yos la semeya na rede.

Hailos que yera meyor que punxeran una mázcara como la mía… pa nun ofender.

Amosar "La Oficialidá va llegaarrr…" dende YouTube

Calca equí p’amosar conteníu dende YouTube.
Consulta la política de privacidá de YouTube.

Amosar tol conteníu de YouTube dafechu

Abrir "La Oficialidá va llegaarrr…" direutamente

Nun me resisto a duplicar el post de GyG… llámenlu spam llamenlu galbana. Pero eso… esti sábadu, too dios a la mani del CA:: 18 hores n’Uviéu… porque l’asturianismu cuantayá que reconoz la capitalidá d’Uviéu.

Aconceyáu nuna caseta d’obra de l’ampliación del Musel, el xuráu del premiu Asturian Weird de la Concordia 2008 aprebó por unanimidá concede-ylu a la artista norteamericana Britney Spears, quien, cola so belleza simpar y la so humanidá reconocible, espardió un sentimientu de simpatía pero tol mundu, ensin distingu ente races, clases sociales y cultures. La felicidá fecha persona humana, we love you Britney, y agora que te dieron premios los de la MTV, más entá.

Aconceyáu na cola l’Alimerka, el xuráu del premiu Asturian Weird de los Deportes acordó güei concede-y el galardón al deportista inglés John Evans, pola so capacidad de superación, amosada durante la so ya bayurosa carrera.

Dende los sos entamos, Evans vino superando ún tres otro toos y caún de los récords que se-y poníen por delantre, convirtiéndo-y nel más grande deportista del mundu de la so especialidá. Too ello, acompañólo Evans d’un apreciatible llabor solidariu, cola so participación en bien dellos eventos en favor de persones y colectivos necesitaos.

Dende los sos entamos, Evans vien dexando ablucáu al mundu pola so capacida pa caltener n’equilibriu grandes pesos na cabeza. Ello, xunío al so sentíu del espectáculu, fizo-y famoso pola espectacularidá de les sos proeces. Asina, ye l’home que caltuvo apoyáu na cabeza un Mini, una barca, o dos ciclistes, amás de hasta 240 pintes de cerveza.

Amás, tamién foi capaz de sostener a un malabarista durante más de dos minutos, y ye toa una celebridá nel so país con numberoses apaiciones na televisión en dellos países d’Europa, América y Asia.

Cuando n’alborada prendes la tele y nun hai más que teletienda o competiciones de ximnasia, quédome cola ximnasia. La pena que nunca enantes viera a Paul Hunt n’acción.

Amosar "You will Laugh!!!!!" dende YouTube

Calca equí p’amosar conteníu dende YouTube.
Consulta la política de privacidá de YouTube.

Amosar tol conteníu de YouTube dafechu

Abrir "You will Laugh!!!!!" direutamente

Los sos exercicios de suelu tamién son la caña.

Otra posibilidá ye esta. Qué-y voi facer, si me parto con Jim Carrey.

Amosar "Funny Gymnastics" dende YouTube

Calca equí p’amosar conteníu dende YouTube.
Consulta la política de privacidá de YouTube.

Amosar tol conteníu de YouTube dafechu

Abrir "Funny Gymnastics" direutamente