Asturian Weird Foundation

https://www.youtube.com/watch?v=cXWyBVRPK3Q

Al cabu, atopéla. Disfrutái, enantes de que la baneen otra vegada del youtube, del clásicu del rap gochono de miami ‘Mamolapenga’, de los 2LiveCrew.Dúu formáu por dos tipos mui feos, como lo preba la semeya de Fresh Kid Ice, a mandrecha.

Una ayalga de los 90 que-yos sirvió a estos raperinos pa dir perhí col alcuñu de ‘Banned in the USA’. De fechu, paez que lo quesí pudieron emitir peles televisiones foi la versión descafeinada, entitulada ‘Mamá Juanita’, qu’a min, personalmente, paezme igual d’ofensiva… si lo ye. Coses de los valores. Eso sí, l’entamu del Mama Juanita, nel que caltienen un alderique con Fidel Castro ye de restallu.

Déxovos una torna llibre de la lletra.

Lleer más »

Hebo un tiempu en que Barriu Sésamo yera un programa infantil, en que San Francisco yera símbolu de lliberación, en que los Estaos Xuníos cellebraben el 200 aniversariu de la so independencia con inspiración lisérxica… la propaganda yá nun ye lo que yera.

Josue Yrion, el pastor que mos desplicó que Spiderman y Barbie llaman al cultu a Satán, y que Xuxa vendió l’alma al diañu por 6 millones de dólares, fainos otra anuncia divina: los nintendous son un inventu del diañu pa llevate al infiernu echando espuma blanca pela boca con un tipui d’epilepsia que nun tien cura con fármacos.

Entá más, después d’ocho años xugando colos nintendous, los neños entamen a desenvolver un tumor na parte esquierda ensefálica, primero benignu, y llueu malignu y los mata. En namás qu’ocho años. Tais avisaos. (Candidatu al asturian weird)

Domo Kun, da la cara dende Xapón por xentileza de Pingarates.

Aconceyáu na sala de xuntes de la facultá de filoloxía de la Unversidá d’Uviéu, el xuráu del premiu Asturian Weird de les Lletres 2008 alcuerda por unanimidá concede-ylu al divulgador don César Vidal, pol so gran llabor en restolar lletres, hasta’l puntu de poder firmar 55 llibros dende 2005 (ún cada venti díes).

Magar de les crítiques pola duldosa veracidá y rigor de los sos escritos, con esti premiu se quier reconocer su capacidá p’apaecer en toles estayes de la Fnac, a escepción de les gastronómiques (al tiempu) y l’estante dedicáu a ediciones asturianes.

Gracies al so llabor, tantu dirixendo un programa diariu d’humor na cadena Cope, otru de música country na cadena 100 y un espaciu na tele de Federico Jiménez Losantos (Libertad Digital), una bultable audiencia se sienta, increyiblemente, culta ya informada.

Énte la imposibilidá de saber quién ye l’auténticu Cesar Vidal, ponemos les dos semeyes.

Aconceyáu nos baños del Alsa, el xuráu del Premiu Asturian Weird de Ciencies Sociales 2008 aprebó güei concede-y el galardo al Museum os Menstruation and Women’s Health, en llínia dende va 14 años, pol so llabor nel espardimientu de too tipu d’información alrodiu d’una cuestión que marca la vida de media humanidá.

(Nota seria: Magar qu’esti premiu ye de coña, lo cierto ye qu’esti sitiu sí que merecería reconocimientu. Contién munchísima información sobre dalgo tan importante como la regla. Dende publicidá de va décades, a datos sobre salú y constumes perinteresantes. Ye un sitiu bien recomendable).

Esti de la semeya ye el Papa Michael I, escoyíu como sucesor de Pedru nun cónclave de católicos de Kansas (Estaos Xuníos) el 16 de xunetu de 1990, por mor de que Xuan Pablu II nun yera otra cosa que la continuación de la llínia herética aniciada pol ‘antipapa’ Pablu VI. Anguañu, dirixe la Ilesia católica nel exiliu con un mensaxe nidiu: ‘La verdá ya una’, llibru descargable na páxina del ‘Vaticanu nel Exiliu’.

El Papa Michael I  tien empobinao dende’l so cargu un bultable llaborpal espardimientu de la palabra de Xesús al traviés d’encícliques y sermones, anguaño disponibles nel so blogue.

Vilma Caez ye fea pa perru, pero fai body building. Si te presten les pintes que gasta na semeya d’enriba, entós igual te ponen les pelicules de Awefilms, una productora especializada en facer pelicules erótiques (a lo que se ve nun llega nin a pornosoft) protagonizaes por muyeres poderoses, fuertes y enllenes de testosterona que machaquen-yos los güevos o afuégenlos coles pates a prubitinos que se-yos ponen delantre. Puru documental de La2.

Equí vos dexo’l trailer de la so producción ‘Mondo Mucle’. hmmm…

Aconceyáu nel párking del parque principáu, el xuráu del Premiu Asturian Weird d’Humanidaes 2008 decidió por unanimidá concede-y el galardón a ‘Goatse.cx‘ po la so impagable y pionera contribución a enantar les perspectives d’Internet como vía de conocimientu del bizarrismu popular.

La so apaición a finales de la década de 1990 abrió perspectives nueves de lo que ye una nueva cultura de mases y globalizada, apurriendo un mensaxe edonista al mundu que tresciende llingües y cultures pa sentar les bases del conteníu viral d’anguañu.

IFG ta acabante d’anunciar el fin del rodaxe del que puede ser ún de los acontecimientos del añu: el regresu al porno de Dinio y Carmen de Mairena… esta vez xuntos. D’otra manera, la estrella del chinode BCN interpreta equí a la gran Marujita Díaz, colo que’l morbu de la cinta ya ye la de coyer.

Dambos son los grandes alicientes de ‘Diniofollando.com’, títulu provisional de la peli, de la que ya ufren semeyes nel web d’IFG.

L’aparición de Carmen en Diniofollando.com ye la so tercer incursión nel mundu del porno dende’l so debú en ‘Soy puta y mi coño lo disfruta’ (2003), a la que siguiera ‘XXV por detrás me gusta más’ (2005).

En cuantes a la nueva producción, al aliciente de la picante pareya protagonista se suma lo que ye l’otru elementu del retorno al porno del xerontolover cubanu, y que d’otra manera da nome a la peli: la organización d’orxíes on-line a precios d’ente 20 y 40 euros por espectador. Na primera, va unos díes, participaben el propiu Dinio, so hermanu Rafa, y les dames Dunia Montenegro, Sara May, Lara Row, Yessenia Rock y Lidia Rouge.