Unboxing carambelu n’esprai de Hello Kitty

22 de Febreru de 2009 por Asturian Weird Foundation

Ya diera anuncia va unos post de que díbemos facer un unboxing de la Hello Kitty’s cacía que ta a la venta n’estes selmanes nos quioscos. Pero la verdá ye que ún fascículu d’esos cuesta diez euros, asina que dexelu pa prau. Sicasí, nel quioscu atopé güei el carambelu n’esprai de Hello Kitty, cuesta un euro y ye la única llambiotada que conozo que vien con manual d’instrucciones.

hello kitty unboxing1

Equí ta presentáu el inventu. Ye similar a los esprais antiviolación, dalgo más grandes qu’esos que hai pal fedor d’aliendu. Como veis, ta mercáu esti fin de selmana n’Asturies. (Nun penséis que m’aprovecho de otros unboxings que pudiera pillar nel flickr).

hello kitty unboxing2

Como vos decía, el carambelu n’esprai de Hello Kitty vien con un manual d’instrucciones xuncíu con una goma al bote.

hello kitty unboxing3

Esti ye el manual, nel que despliquen que nun se pue empobinar l’esprai a los güeyos, y que esta llambiotada tien que se usar siempre embaxu la supervisión d’un adultu.

hellokittyunboxing4

Llugar nel que rasgar el plástique qu’endolca tol envase. Obsérvese el sellu de Sanrio na parte superior, que confirma que ye un productu oficial Hello Kitty.

hellokittyunboxing5

Anque lo paez el principiu, la verdá ye que nun ye complicáu d’abrir.

hellokittyunboxing6

Preparáu pal so usu.

hellokittyunboxing7

Anque nun tenía nengún adultu a mano pa que me supervisara, llancéme a prebar l’inventu. Sabe a mazana ácido, mui recomendable.


Altuxa.net

Avisu: Esti sitiu contién material p'adultos y que puede ser ofensivu pa determinaes persones.
Si yes menor d'edá NUN puedes visitar esti sitiu.

Soi mayor d'edá y acepto Colar